Eýropalyq komıssııa shekaralyq baqylaýdy uzartýdy usyndy
ASTANA. QazAqparat - Eýropalyq komıssııa Eýroodaq keńesine Avstrııa, Germanııa, Norvegııa, Danııa jáne Shvetsııa elderine taǵy 3 aı merzimge shekaralyq baqylaýdy uzartýdy usyndy. Bul shara elge aǵylǵan bosqyndar legin tejeý maqsatynda qabyldanbaq, dep habarlaıdy 24.kz.
Eýropaǵa entelegen kelimsekterdiń deni Lıvııa jaǵalaýynan Italııaǵa ótip jatyr. Ásirese, janbaǵys úshin jantalasqan afrıkalyq jumysshylardyń qarasy qalyń. Eýroodaq osy aǵyndy tejeýge nıetti.
«Ótken aıda biz Eýropada buryn-sońdy bolmaǵan kóshi-qon máselelerin sheshý úshin atqarylatyn is-sharalardyń kúsheıtilgenine qaramastan, qajetti nátıjege jetkize almadyq. Sondyqtan da biz osy bes elde shekaralyq baqylaýdy uzartýdy sońǵy qatań shara retinde usynyp otyrmyz»,- deıdi Іshki ister jáne kóshi-qon máseleleri jónindegi eýropalyq komıssar Dımıtrıs Avramopýlos.
