Eýropalyq Keńes Prezıdenti H.V.Rompeı Polsha halqyna kóńil aıtty
BRıÝSSELЬ. Sáýirdiń 11-i. QazAqparat /Dımash Syzdyqov/ - Eýropalyq Keńestiń (Eýropalyq Odaqtyń joǵarǵy organy) Prezıdenti Herman Van Rompeı Polsha halqyna Smolensk túbindegi avıapatqa baılanysty kóńil aıtty.
«Men Prezıdent Leh Kachınskııdiń, onyń zaıybynyń jáne basqa da joǵary deńgeıdegi polıak sheneýnikteri men saıasatkerleriniń apatta qazaǵa ushyraǵany týraly habardy qabyrǵam qaıysyp estidim. Polsha uly patrıotynan jáne memleket basshysynan aıyryldy. Men prezıdenttiń jáne basqa da qurban bolǵandardyń otbasyna, premer-mınıstri D.Týskige jáne búkil polıak halqyna shynaıy kóńil aıtýymdy bildiremin. Osynaý tótenshe aýyr jaǵdaıda Eýropalyq odaq olarǵa qoldaý kórsetetin jetkizgim keledi», - delingen kóńil aıtý mátininde.
Budan buryn QazAqparat habarlaǵanyndaı, polıak prezıdentiniń ushaǵy sáýirdiń 10-ynda máskeý ýaqytymen 10:56-da Smolensk túbindegi «Severnyı» áýejaıynyń mańynda apatqa ushyrady.
