Eýropalyq dıplomatııa basshysy: Qazaqstan – EO-nyń Ortalyq Azııadaǵy iri saýda seriktesi

BRıÝSSELЬ. QazAqparat – 1 naýryzdan bastap Eýropalyq Odaq pen Qazaqstan arasyndaǵy keńeıtilgen seriktestik jáne yntymaqtastyq týraly kelisim tolyq kúshine enedi, dep habarlaıdy QazAqparat Qazaqstandaǵy EO ókildiginiń habarlamasyna silteme jasap.

2015 jyldyń jeltoqsanynda qol qoıylǵan jáne 2016 jyldyń mamyr aıynan bastap ýaqytsha qoldanysta júrgen bul jańa qujatty bizdiń elimiz, barlyq EO memleketteri jáne Eýropalyq Parlament ratıfıkatsııalady.

«Qazaqstan - Eýropalyq Odaqpen keńeıtilgen seriktestik jáne yntymaqtastyq týraly kelisimge qol qoıǵan Ortalyq Azııadaǵy birinshi memleket. Sondyqtan, bizdiń qarym-qatynasymyz aıtarlyqtaı keńeıip, tereńdep keledi», - degen EO syrtqy ister jáne qaýipsizdik saıasaty jónindegi joǵary ókili Jozep Borreldiń sózi keltirilgen habarlamada.

«Eýropalyq odaq – eldiń iri saýda jáne ınvestıtsııalyq seriktesi, al Qazaqstan – Ortalyq Azııadaǵy EO-nyń iri saýda seriktesi», - dep atap ótti ol.

«Kelisim kúshine engennen keıin biz onyń artyqshylyqtaryn, atap aıtsaq klımat salasyndaǵy birlesken áreketterden bastap ekologııalyq taza energııaǵa deıin, turaqty jańǵyrtý men ózara baılanysty keńeıtýdi tolyq kólemde paıdalana alamyz», - dedi Borrel.

«Biz jańa qyzyqty taraýdy bastaımyz», - dep atap ótti eýropalyq dıplomatııa basshysy.

Avtor: Tımýr Dúısekeev