Eýropalyq 6 iri kompanııa óndirisin Qazaqstanǵa kóshirý týraly sheshim qabyldady

ASTANA. QazAqparat – Eýropalyq 6 iri kompanııa ózderiniń óndirisin Qazaqstanǵa kóshirý týraly sheshim qabyldady. Bul týraly Senattyń otyrysynan keıingi baspasóz máslıhatynda Úkimet basshysy Álıhan Smaıylov aıtty, dep habarlaıdy QazAqparat tilshisi.

Premer-Mınıstrdiń aıtýynsha, Reseı naryǵynan ketken 300-den astam eýropalyq kompanııamen Qazaqstan jaǵy aqparattyq-túsindirý jumystaryn júrgizdi. Osy oraıda, 50-den astam kompanııa óz óndiristeriniń ornyn aýystyrýǵa qyzyǵýshylyq tanytqan.

«Alty kompanııa sheshim qabyldap, óndiris oryndary men keńselerin Qazaqstanǵa kóshirip jatyr. Qalǵan kompanııalar jergilikti atqarýshy organdarmen, mınıstrlikpen, bıznespen kelissózder júrgizip jatyr, ıaǵnı osyndaǵy múmkindikterdi zertteýge kiristi», - dedi Á. Smaıylov.