Eýropalyq sarapshy Qazaqstandaǵy saılaýdyń jahandyq kontekstegi mańyzyn baǵalady
ASTANA. KAZINFORM — Qazaqstandaǵy saılaýdy tek daýys berý úderisi retinde ǵana emes, saıası ınstıtýttar men azamattardyń ókildigin damytýdaǵy mańyzdy element retinde qarastyrý qajet. Mundaı pikirdi Ońtústik-Shyǵys Norvegııa ýnıversıtetiniń professory, ekonomıka jáne halyqaralyq qatynastar salasynyń sarapshysy Glenn Hole bildirdi.
— Saılaý bul tek saılaýshylar men daýys berý ǵana emes. Bul sondaı-aq azamattardyń zań shyǵarý qyzmeti men memlekettik ınstıtýttardyń jumysyna qatysýyna múmkindik beretin ókildikti qalyptastyrý úderisi, — dedi sarapshy.
Glenn Hole saılaý nátıjelerin keń aýqymdy saıası jáne halyqaralyq konteksti eskere otyryp baǵalaý qajet ekenin atap ótti. Ol sondaı-aq memlekettik ınstıtýttardy odan ári damytý jáne azamattardyń qoǵamdyq-saıası úderisterge qatysýyn arttyrý mańyzdy ekenin aıtty.
Sarapshynyń pikirinshe, Qazaqstanda bolyp jatqan saıası ózgerister halyqaralyq qatynastar turǵysynan qyzyǵýshylyq týdyrady. Sebebi Qazaqstan Qytaı, AQSh jáne Eýropa memleketterin qosa alǵanda, túrli yqpal ortalyqtarymen qarym-qatynasyn odan ári qalyptastyryp keledi.
Glenn Hole turaqty damý jáne klımattyń ózgerýi máselelerine de jeke toqtaldy. Onyń aıtýynsha, ekologııalyq kún tártibi men osy saladaǵy halyqaralyq yntymaqtastyq memleketterdiń bolashaǵy úshin barǵan saıyn mańyzdy bola túsedi.
— Búginde bolyp jatqan úderisterge tek ishki saıasat turǵysynan ǵana emes, keńirek perspektıvadan, ıaǵnı jahandyq kontekst aıasynda qaraý asa mańyzdy, — dedi sarapshy.
Buǵan deıin belgııalyq baıqaýshy Quryltaı saılaýy Ortalyq Azııa úshin mańyzdy kezeń ekenin aıtqan edi.
