Eýropalyq parlament pen Eýropalyq komıssııa ózara yntymaqtastyǵyn nyǵaıtady
ASTANA. KAZINFORM - Dúısenbi kúni Eýroparlament pen Eýrokomıssııa 2010 jylǵy Vedomstvoaralyq negizdemelik kelisimdi qaıta qaraý týraly birlesken málimdeme jasady, dep habarlaıdy Kazinform agenttiginiń menshikti tilshisi.
Eýroparlament tóraǵasy Roberta Metsola men Eýropalyq komıssııa tóraǵasy Ýrsýla fon der Lıaıen EO-nyń zań shyǵarýshy jáne atqarýshy organdary arasyndaǵy yntymaqtastyqty nyǵaıtýǵa baǵyttalǵan birqatar jańa qaǵıdattar týraly kelisimdi jarııalady.
«Mekemearalyq negizdemelik kelisimdi qaıta qaraý bizdiń ınstıtýttar arasyndaǵy qarym-qatynasty nyǵaıtady, ashyqtyq pen jaqsy dıalogty qamtamasyz etedi. Bul bizdiń uıymdarǵa tıimdirek jumys isteýge jáne azamattarymyzǵa qundylyq berýge kómektesedi. Saıası kelisimge qol jetkizilgennen keıin tehnıkalyq deńgeıdegi jumys dereý bastalady», - delingen birlesken málimdemede.
Kelisilgen saıası ustanymdar Eýroparlament pen Eýrokomıssııa arasyndaǵy qarym-qatynas týraly 2010 jylǵy negizdik kelisimdi qaıta qaraýǵa negiz bolady.
Sonymen qatar, Eýrokomıssııa bıýdjet máseleleri boıynsha ınstıtýtaralyq yntymaqtastyqty nyǵaıtýdy jalǵastyrady jáne mazmuny EO-nyń úsh ınstıtýtymen kelisilýi tıis jańa Mekemearalyq kelisim boıynsha usynys engizedi.
