Eýropalyq olımpıadada qazaqstandyq oqýshylar tórt júlde ıelendi

ASTANA. KAZINFORM – Bolgarııanyń Shýmen qalasynda IX Eýropalyq jasóspirimder ınformatıka olımpıadasy (EJOI-2025) máresine jetti. Baıqaýǵa 24 elden 100-den astam jas baǵdarlamashy qatysty. Barlyǵy 52 medal sarapqa salyndy. 

Qazaqstan quramasy joǵary nátıje kórsetti – komandanyń barlyq tórt múshesi júldege ıe boldy. Atap aıtqanda, oqýshylar qorjynyn bir kúmis jáne úsh qola medalmen tolyqtyrdy.

* Kúmis medal – Qurmet Ábilmansur, Atyraý oblystyq «Bilim-Innovatsııa» lıtseıiniń 9-synyp oqýshysy.

* Qola medal – Shaımerden Nuráli, Kókshetaý qalasyndaǵy «Bilim-Innovatsııa» lıtseıiniń 9-synyp oqýshysy;

* Qola medal – ıÝsýpov Saıat, Óskemen qalasyndaǵy «Bilim-Innovatsııa» lıtseıiniń 9-synyp oqýshysy;

* Qola medal – Muǵjan Dinmuhammed, Kókshetaý qalasyndaǵy «Bilim-Innovatsııa» lıtseıiniń 9-synyp oqýshysy.

Komandany tájirıbeli tálimgerler daıyndady:

* Álimjan Amanov, PhD, Qazaq-Brıtan tehnıkalyq ýnıversıtetiniń assıstent-professory;

* Batyr Sardarbekov, respýblıkalyq jáne halyqaralyq olımpıadalardyń jeńimpazy, sporttyq baǵdarlamalaý chempıony.

EJOI-2025 qorytyndylary qazaqstandyq oqýshylardyń joǵary daıyndyq deńgeıin jáne otandyq baǵdarlamalaý mektebiniń halyqaralyq arenadaǵy básekege qabilettiligin taǵy bir márte dáleldedi.

Eske sala keteıik, buǵan deıin qazaqstandyq jasóspirimderdiń Eýropalyq olımpıadada baq synap jatqanyn jazǵan edik.