Eýropalyq odaq úshinshi elderge qatysty tikeleı qaıtalama sanktsııalar engizýi múmkin be

ASTANA. KAZINFORM - Eýropalyq odaqtyń sanktsııalar jónindegi arnaıy ókili Devıd O’Sallıvan Qazaqstanǵa qatysty jańa shekteý sharalary qarastyrylmaıtynyn málimdedi.

Onyń aıtýynsha, Eýropalyq odaq úshinshi elderge qatysty tikeleı qaıtalama sanktsııalar engizbeıdi.

- Biz úshinshi elderdegi bankterge sanktsııa salǵan kezde, bul – sol bankter men Eýropadaǵy korrespondent-bankter arasyndaǵy operatsııalarǵa shekteý qoıý ǵana, ıaǵnı onyń áseri tikeleı sol eldiń bankterine emes, bizdiń bankterge baǵyttalǵan, – dedi ol.

Sonymen qatar EO qazirgi ýaqytta sanktsııalardyń 20-paketin qabyldaý protsesinde ekenin atap ótti.

- Bolashaqta jańa paketter de bolady. Alaıda qazirgi tańda Qazaqstanǵa qatysty jańa máseleler anyqtalǵan joq. Degenmen biz árdaıym qyraǵylyq tanytyp, álemdegi bankterdiń qyzmetin muqııat baqylap otyramyz, – dedi Devıd O’Sallıvan.

Ol Qazaqstanǵa qatysty qandaı da bir shuǵyl sharalar jospary joq ekenin jetkizdi. Sondaı-aq, arnaıy ókil Qazaqstan ekonomıkasyna oń baǵa berdi.

- Qazaqstan ekonomıkasy jaqsy damyp keledi jáne aıtarlyqtaı ilgerileý bar. Men eldiń ekonomıkalyq bolashaǵyna qatysty birshama optımıstik kózqarastamyn, – dedi ol.

Buǵan deıin Eýropalyq odaq Qazaqstan munaıynyń eksportyna kedergi keltirmeıtinin jazǵanbyz.