Eýropalyq odaq Reseıge qarsy sanktsııalardy uzartty
ASTANA. KAZINFORM — Eýropalyq odaqqa múshe memleketter reseılik kompanııalar men jekelegen tulǵalarǵa qarsy burynnan qoldanystaǵy sanktsııalardy taǵy alty aıǵa uzartýǵa kelisti. Bul týraly EO-nyń syrtqy ister jáne qaýipsizdik saıasaty jónindegi joǵary ókili Kaıa Kallas áleýmettik jelidegi paraqshasynda málim etti, dep habarlaıdy DW.
Kallastiń aıtýynsha, Eýropalyq odaq Reseıge qarsy 19-shy jańa sanktsııalar paketin ázirleýdi aıaqtap jatyr. Onyń sózinshe, bul paket Reseıdiń «kóleńkeli flotyna» jáne bankterine baǵyttalmaq.
Sondaı-aq reseılik munaıdy satýǵa qosymsha shekteýler engiziledi.
— Biz Pýtınniń soǵys júrgizýge qajetti qarjy kózderin buǵattaı beretin bolamyz, — dedi eýropalyq dıplomatııa basshysy.
BAQ málimetinshe, jańa paket aıasynda EO Reseı azamattaryna týrıstik vızalardy berýdi odan ári shekteýi múmkin.
Buǵan deıin eýropalyq úshtik Iranǵa qarsy sanktsııalardy qaıta engizý protsesin bastaǵany habarlanǵan bolatyn.