Eýropalyq Odaq pen Qazaqstan arasynda mańyzy eki kelisimge qol qoıyldy

ASTANA.KAZINFORM – Halyqaralyq áriptestik jónindegi Eýropalyq komıssar Iozef Sıkelanyń Astanaǵa alǵashqy resmı sapary aıasynda EO men Qazaqstan arasynda mańyzdy eki kelisimge qol qoıyldy.

Еуропалық Одақ пен Қазақстан
Фото: Солтан Жексенбеков/ Kazinform

— Biz jańa ǵana Eýropalyq Odaq pen Qazaqstan arasynda jasalǵan eki mańyzdy kelisimge kýá boldyq. Buǵan deıin men qurmetti Murat Nurtileý myrzamen jáne onyń áriptesterimen kezdestim. Kezdesýde EO men Qazaqstan arasyndaǵy áriptestiktiń mańyzdy tustary talqylandy. Biz senimdi ári shynaıy áriptestermiz. «Global Gateway» strategııasy Qazaqstanmen ózara tıimdi qarym-qatynas qurýǵa múmkindik beredi. Bizdiń ekonomıkalarymyz energetıkalyq jáne tsıfrlyq serpilis jasaý úshin tehnologııalarǵa táýeldi. EO-ǵa óz ekonomıkasyn jańǵyrtý úshin asa mańyzdy shıkizattar máselesi ózekti. Qazaqstan tarapyna da ken óndirý salasyn jańǵyrtý máselesi mańyzdy. Sondyqtan Eýropa qaıta qurý jáne damý bankimen jasalǵan kelisim ásirese asa mańyzdy shıkizattar salasyndaǵy áriptestikti arttyrýda úlken ról oınaıdy, - dedi Iozef Sıkela.

Atap aıtsaq, mynandaı qujattarǵa qol qoıyldy:

Qazaqstannyń Damý bankiniń basqarma tóraǵasy Marat Elibaev pen Eýropalyq ınvestıtsııalyq banki tóraǵasynyń orynbasary Endrıý Makdaýell Qazaqstannyń Damý banki men Eýropalyq ınvestıtsııalyq bankiniń nesıelik kelisimine qol qoıdy.

Eýropa qaıta qurý jáne damý bankiniń Qazaqstandaǵy ókildigi basshysynyń orynbasary Asqar Namazbaev pen Eýropalyq komıssııa Halyqaralyq áriptestik derektoratynyń Azııa-Tynyq muhıty aımaǵy boıynsha dırektory Peterıs Ýstýbs Eýropa qaıta qurý jáne damý banki men Eýropalyq odaq arasyndaǵy «Ortalyq Azııadaǵy mańyzdy shıkizat salasyndaǵy qyzmetti keńeıtý» óńirlik jobasyna qol qoıdy.

Osyǵan deıin Eýropalyq Odaqtyń tarıhta alǵash ret Dıplomatııalyq akademııa quratyny týraly jazdyq.

 

Сейчас читают