Eýropalyq Odaq Lıvanmen seriktestikti qalpyna keltirýge daıyn ekenin málimdedi

ASTANA. KAZINFORM - Eýroodaqtyń syrtqy ister jáne qaýipsizdik saıasaty jónindegi joǵarǵy ókili Kaıa Kallas Lıvanda jańa úkimet qurylýyna baılanysty málimdeme jasady, dep habarlaıdy Kazinform tilshisi.

- Lıvandy jańa úkimetiniń qurylýymen shyn júrekten quttyqtaımyn. Premer-mınıstr Navaf Salamǵa jáne búkil úkimetke Lıvan halqynyń arman-maqsatyn júzege asyrýda tolaǵaı tabys tileımin. ıÝsýf Radjıdi Syrtqy ister mınıstri bolyp taǵaıyndalýymen  quttyqtaımyn jáne onymen sóılesýdi asyǵa kútemin, - dedi eýropalyq dıplomat. 

EO Lıvan halqyna, atap aıtqanda, barlyq azamattyń ıgiligi úshin óz mindetterin oryndaýǵa qabiletti memlekettik ınstıtýttardy qalpyna keltirýge turaqty qoldaý kórsetetinin málimdedi.

- Biz jańa úkimetke jańa reformalarǵa jáne bolashaqqa baǵyttalǵan kún tártibin ilgeriletýde, EO-Lıvan seriktestigin jańartýda yntymaqtastyq keńesin ótkizý arqyly qoldaý kórsetýge daıynbyz, - delingen habarlamada. 

Aıta keteıik, Lıvanda Navaf Salam basqaratyn jańa úkimet jasaqtaldy.