Eýropalyq Odaq Lıvan men Izraıl arasyndaǵy kelisimdi quptaıdy
ASTANA. KAZINFORM — Eýropalyq syrtqy is-qımyl qyzmetiniń málimdemesine sáıkes, Lıvan men Izraıl Vashıngtonda qol qoıǵan negizdemelik kelisim shıelenisti azaıtý jáne beıbitshilik úshin mańyzdy oń perspektıva usynady, dep habarlaıdy EO-nyń Brıýsseldegi tilshisi.
Eýropalyq Odaq barlyq taraptardyń syndarly ustanymyn quptaıdy jáne olardy jańa úshjaqty áskerı úılestirý mehanızmi arqyly mindettemelerin oryndaýǵa shaqyrady.
— EO turaqty sheshim BUU Qaýipsizdik Keńesiniń 1701 qararyn oryndaýǵa negizdelýi kerek ekenin atap kórsetedi, ol Lıvan aýmaǵynan barlyq qarýly kúshterdi shyǵarýdy jáne barlyq memlekettik emes toptardy qarýsyzdandyrýdy talap etedi. Jaqynda bekitilgen Lıvan Qarýly Kúshterine 100 mıllıon eýro kólemindegi kómek paketimen EO Lıvan úkimetiniń memlekettik baqylaýdy jáne qarý-jaraqqa monopolııany ornatý jónindegi kúsh-jigerin qoldaıdy, - delingen EO málimdemesinde.
Aıta keteıik, Lıvanda Izraıl shabýyldarynan qaza tapqandar sany 4106-ǵa jetti.
