Eýropalyq Odaq Qyzyl teńizde Aspides operatsııasyn bastaıdy
ASTANA. KAZINFORM — Odaqtyń syrtqy ister jáne qaýipsizdik saıasaty jónindegi Joǵarǵy ókili Jozep Borrel Eýropalyq Odaq 19 aqpanda Qyzyl teńizde bir jyl merzimge Aspides (qalqandar) operatsııasyn bastaıtynyn aıtty. Bul týraly The Jerusalem Post jazdy.
Basylymnyń habarlaýynsha, operatsııa 1 jyl ishinde Qyzyl teńizdegi barlyq maqsatyna jetýge tıis. Bir jylda úlgermese, operatsııa merzimi uzartylýy múmkin.
Operatsııany Qyzyl teńizdegi saýda kemelerin qorǵaý úshin EO-ǵa múshe memleketter maquldady. Operatsııa 19 aqpanda bastalady.
Esterińizge sala keteıik, qańtar aıynda AQSh pen Ulybrıtanııa ushaqtary men áskerı kemeleri Iemendegi kóterilisshi hýsıtter tobyna soqqy bere bastady, olar jaqynda Irannyń qoldaýymen Qyzyl teńizdegi saýda kemelerine shabýyl jasaı bastady.
Hýsıtterdiń kim ekeni jáne olar Izraılge bet alǵan kemelerge nelikten shabýyl jasaıtyny týraly buǵan deıin jazǵan bolatynbyz.
