Eýropalyq odaq Qazaqstan munaıynyń eksportyna kedergi keltirmeıdi
ASTANA. KAZINFORM — Eýropalyq odaqtyń sanktsııalar jónindegi arnaıy ókili Devıd O’Sallıvan jýrnalısterge arnalǵan brıfıng barysynda birqatar saýalǵa jaýap berdi.
Onyń aıtýynsha, Eýropalyq odaq Qazaqstannan jetkiziletin munaıǵa eshqandaı shekteý qoımaǵan. Qazirgi tańda qazaqstandyq munaı EO-nyń energııa qajettiliginiń shamamen 11-12 paıyzyn qamtamasyz etip otyr.
— Biz Qazaqstan munaıyna qatysty eshqandaı kedergi keltirmeımiz. Kerisinshe, ony jetkizýdiń turaqty júıesi mańyzdy, — dedi ol.
Aıta keteıik, Tramp reseılik munaıǵa salynǵan sanktsııalardy ýaqytsha jeńildetti.
