Eýropalyq Odaq halqy qartaıyp barady

ASTANA. KAZINFORM –  Eýropalyq Odaq (EO) halqynyń medıandyq jasy ósip keledi. Eger 2015 jyly ol 42,8 jas bolsa, 2025 jylǵy 1 qańtardaǵy jaǵdaı boıynsha bul kórsetkish 44,9 jasqa deıin artty. 

Eurostat-tyń sońǵy derekterine sáıkes, bul Eýroodaq turǵyndarynyń jartysy 44,9 jastan úlken, al qalǵan jartysy osy jastan kishi ekenin bildiredi.

Eń tómen medıandyq jas Irlandııa elinde tirkelgen — 39,6 jas, al eń joǵary kórsetkish Italııa elinde — 49,1 jas.

Jalpy alǵanda, sońǵy on jyl ishinde EO halqynyń medıandyq jasy 2,1 jylǵa ósti.

Kórsetkishtiń ósýi EO elderiniń basym bóliginde baıqaldy, tek Germanııa men Malta elderinde ǵana ol 0,4 jylǵa tómendedi.

Halyqtyń eń jyldam qartaıýy Slovakııa men Kıprdiń grek ákimshiligi baqylaýyndaǵy ońtústik bóliginde baıqaldy, munda medıandyq jas 4 jylǵa artqan. Grekııa men Polshada bul kórsetkish 3,8 jylǵa, Portýgalııada 3,7 jylǵa, al Italııada 3,9 jylǵa ósti.

Eýropadaǵy eń jas el — Túrkııa

Sonymen qatar Túrkııa halqynyń medıandyq jasy 34,4 jas.

Osylaısha, atalǵan kórsetkish boıynsha Túrkııa Eýropadaǵy eń jas el retinde erekshelenedi. 

Aıta ketelik Qytaı qartaıýdy báseńdetetin ekpeni synaqtan ótkizdi.