Eýropalyq Odaq Gazada gýmanıtarlyq úzilis jarııalaýǵa shaqyrdy

Eýropalyq Odaq Gazada gýmanıtarlyq úzilis jarııalaýǵa shaqyrdy. Bul týraly EO-nyń syrtqy saıasat jáne qaýipsizdik jónindegi Joǵarǵy ókili Djozep Borrel málimdedi, dep habarlaıdy Kazinform agenttigi Trend.az-ǵa silteme jasap. 

Málimdemede EO Gazadaǵy tereńdetilgen gýmanıtarlyq daǵdarysqa qatty alańdaıtynyn atap ótti. 

«EO soǵys qımyldaryn dereý toqtatýǵa jáne gýmanıtarlyq dálizderdi qurýǵa shaqyrady», — dedi EO Joǵarǵy ókili. 

Aıta keteıik, 7 qazanda Izraılge tutqıyldan shabýyl jasaldy. Gaza sektorynyń aýmaǵynan reaktıvti snarıadtarmen jappaı atqylaý bastalyp ketti. Izraıl Gaza sektorynyń jappaı zymyrandyq shabýylynan keıin elde soǵys jaǵdaıyn jarııalady.