Eýropalyq Odaq eń iri partııa basshysyn tańdady

ASTANA. KAZINFORM  - Búgin Ispanııanyń Valensııa qalasynda «Eýropa halyqtyq partııasynyń» kongresi ótedi, dep habarlaıdy Kazinform agenttiginiń menshikti tilshisi.

Bir kún buryn Eýropanyń eń iri ortalyq-ońshyl halyq partııasy óziniń tóraǵasy Manfred Veberdi ekinshi úsh jyldyq merzimge qaıta saılady.

Nemis depýtaty ótken jyldyń sońynda ishki bılik úshin kúresten keıin partııanyń eń úlken delegatsııalarynyń qoldaýyna ıe bolyp, jeńiske jetken.

EHP – Eýropalyq Odaqtyń eń iri saıası kúshi. Bul partııanyń 14 Eýropalyq komıssary, Eýropalyq keńeste 12 kóshbasshysy bar jáne 188 zań shyǵarýshydan turatyn Eýroparlamenttegi eń úlken saıası top bolyp sanalady.

Іs-sharaǵa Eýropalyq komıssııa tóraǵasy Ý.Lıaıen men Eýroparlament tóraǵasy R.Metsola qatysady.

Kongress barysynda sondaı-aq partııanyń vıtse-prezıdentteri, bas hatshysy men qazynashysy saılanady.

Eýroparlamenttiń jekelegen múshelerine qatysty sybaılas jemqorlyq faktileri boıynsha tergeý júrgizilip jatyr. 2022 jyldan beri adam quqyqtary jónindegi kishi komıtettiń basshysy, belgııalyq Eýroparlament depýtaty Marııa Arena da tergeý orbıtasynda.