Eýropalyq Odaq Armenııa men Ázerbaıjan shekarasyn delımıtatsııalaý máselesin qoldaıdy
ASTANA. KAZINFORM – Eýropalyq syrtqy áreket qyzmeti 1991 jylǵy Almaty kelisimi negizinde Armenııa-Ázerbaıjan shekarasyn delımıtatsııalaý protsesinde qol jetkizilgen ilgerileýdi, atap aıtqanda, 15 mamyrda Armenııa-Ázerbaıjan shekara komıssııalarynyń 9-shy otyrysynda qol qoıylǵan hattamany quptaıdy. Sonyń nátıjesinde shekaranyń birneshe ýchaskesine qatysty kelisimge qol jetkizilgen edi.
«EO taraptardy ekijaqty máselelerdi sheshý úshin odan ári sheshýshi qadamdar jasaýǵa shaqyrady jáne Ońtústik Kavkaz aımaǵynda turaqty jáne uzaq beıbitshilik ornatýǵa baǵyttalǵan kúsh-jigerdi qoldaýǵa nıetti», - delingen EAEO málimdemesinde.
Armenııa men Ázerbaıjan shekarasynda alǵashqy shekara baǵany ornatylǵanyn jazǵan bolatynbyz.
11 mamyrda Almatyda Ázerbaıjan men Armenııa syrtqy ister mınıstrleri kelissózderdi jalǵastyrýǵa kelisti.
15 mamyrda Ázerbaıjan men Armenııanyń delımıtatsııa máseleleri jónindegi memlekettik komıssııalary Ázerbaıjannyń Gazah aýmaǵy men Armenııanyń Tavýsh aımaǵyndaǵy eldi mekender arasyndaǵy shekara syzyǵynyń ýchaskelerin sıpattaıtyn birlesken hattama jasady.
