Eýropalyq Odaq AQSh-tan energetıkalyq resýrstar satyp alýǵa mindetti bolady

ASTANA. KAZINFORM – EO AQSh-pen aradaǵy saýda tapshylyǵyn joıý maqsatynda Amerıka Qurama Shtattarynan energetıkalyq resýrstar satyp alýǵa mindetti bolady. Bul týraly AQSh Prezıdenti Donald Tramp málimdedi, dep habarlaıdy TASS.

– Bizdiń Eýroodaqpen aradaǵy saýda tapshylyǵymyz 350 mıllıard dollardy quraıdy jáne ol tez arada joıylady, – dedi AQSh prezıdenti Izraıl Premer-mınıstri Bınıamın Netanıahýmen Aq úıdegi kezdesýde jýrnalısterdiń saýaldaryna jaýap bere otyryp.

Onyń aıtýynsha, Eýroodaqqa energetıkalyq resýrstardy AQSh-tan satyp alýǵa týra keledi, óıtkeni bul resýrstar EO elderine qajet.

– Olar bizden energo ónimderdi satyp alýy tıis, sebebi olarǵa bul qajet. Olar satyp alady, al biz 350 mıllıard dollardan bir apta ishinde qutylamyz, – dedi Tramp.

Sondaı-aq, AQSh prezıdenti Eýroodaqty amerıkalyq taýarlardy jetkilikti kólemde satyp almady dep aıyptady.

– Eýropalyq odaq bizge óte ádiletsiz qaraıdy, – dep atap ótti ol.

Aıta keteıik, Tramp Netanıahýmen kezdesýde Gaza sektoryn baqylaýǵa alý ıdeıasyn taǵy da alǵa tartty.