Eýropalyq Odaq 2026 jyly Grýzııaǵa qarjylyq kómek kórsetpeýi múmkin
ASTANA. KAZINFORM — Eýropalyq Odaq bıyl Grýzııaǵa qarjylyq kómek kórsetken joq. Bul 2026 jyly da jalǵasýy múmkin, dep habarlaıdy TASS.
— Bul Eýropalyq Odaqtyń qarjylandyrýdy tolyǵymen toqtatýyn bildirmeıdi, biraq naqty saıası ózgeris bolmasa, kelesi jyly ulttyq deńgeıde aıtarlyqtaı qarjylandyrylýy ekitalaı, — dedi Eýropalyq halyq partııasy Eýroparlamentiniń múshesi Tomash Zdechovskıı.
Onyń pikirinshe, Grýzııa tereń saıası daǵdarysqa ushyrady jáne 2024 jylǵy parlamenttik saılaýdan keıin ondaǵy adam quqyqtaryna qatysty jaǵdaı aıtarlyqtaı nasharlady.
Byltyr 28 qarashada bıliktegi «Grýzın armany — demokratııalyq Grýzııa» partııasy Eýropalyq Odaqqa 2028 jylǵa deıin qosylý týraly kelissózdi bastaý týraly talqylaýdy toqtatý jáne Eýropalyq Odaq tarapynan beriletin barlyq bıýdjettik granttardan bas tartý týraly sheshim qabyldady. Grýzııanyń premer-mınıstri Iraklıı Kobahıdzeniń sol kezde málimdegenindeı, Tbılısı Eýroodaqqa kirý jónindegi mindettemelerin tek óz bıýdjeti esebinen oryndaýdy jalǵastyrýǵa nıetti.
Eske salaıyq, Grýzııa úkimeti Tbılısıdegi Arsenalı tóbesinde úlken ákimshilik qala salý jobasyn jarııalaǵan bolatyn.