Eýropalyq kompanııalar Qazaqstanda aýyl sharýashylyǵy tehnıkalaryn lokalızatsııalaýdy kózdep otyr
ASTANA. KAZINFORM - Ónerkásiptik kooperatsııany damytý sheńberinde Qazaqstan delegatsııasy aýyl sharýashylyǵy tehnıkasyn óndirýge mamandanǵan eýropalyq birqatar jetekshi kásiporyndarda boldy, dep habarlaıdy QR Ónerkásip jáne qurylys mınıstrliginiń baspasóz qyzmeti.
Atap aıtqanda, John Deere, Dewulf, Vervaet jáne Väderstad kompanııalarynda saparlar uıymdastyryldy. Bul kásiporyndar tamyrjemistilerdi ósirýge arnalǵan jabdyqtar, traktor, qyzylsha jınaý jáne tyńaıtqysh engizý, sondaı-aq tuqym sebý men topyraq óńdeýge arnalǵan tehnıkalar shyǵarady.
Jumys sapary barysynda delegatsııa óndiristik úderistermen tanysty jáne sheteldik kásiporyndar basshylyǵymen elimizdiń aýmaǵynda óndiristi lokalızatsııalaý máseleleri boıynsha kelissózder júrgizdi.
Kezdesýler qorytyndysynda Qazaqstan aýmaǵynda zamanaýı joǵary ónimdi tehnıkanyń birqatar túrlerin lokalızatsııalaý jóninde ýaǵdalastyqtarǵa qol jetkizildi.
Osyǵan deıin elimizde aýyl sharýashylyǵy ónimin qaıta óńdeý úlesi jyl sońyna deıin 70%-ǵa jetetini týraly jazdyq.
