Eýropalyq komıssııa Rýmynııadaǵy saılaýǵa baılanysty TikTok-qa qarsy tergeýdi bastady
ASTANA. KAZINFORM – Eýropalyq komıssııa TikTok-qa qarsy tergeý júrgizip jatyr. Buǵan Reseıdi osy ınternet-platforma arqyly «Rýmynııadaǵy saılaýǵa áser etti» dep aıyptaý sebep boldy, dep habarlaıdy Kazinform tilshisi TASS agenttigine silteme jasap.
Eýropalyq Komıssııa Rýmynııadaǵy prezıdent saılaýynyń birinshi týrynda eýropashyl saıasatkerlerdiń sátsizdikke ushyraýyna baılanysty TikTok-qa qatysty resmı túrde tergeý amaldaryn bastady. Bul týraly EO-nyń tsıfrlyq kún tártibine jaýapty Eýropalyq komıssary Henna Vırkýn málim etti.
Bul sheshim Reseı TikTok arqyly «Rýmynııadaǵy saılaýǵa áser etti» degen aıyppen baılanysty bolyp otyr.
- Erkin jáne ádil saılaý – demokratııanyń negizi. EO-nyń tsıfrlyq qyzmetter týraly zańy (DSA) iri onlaın platformalardan saılaý protsesterinde táýekelderdi barynsha azaıtýdy talap etedi. Búgin biz TikTok-qa oqıǵalardy keıinnen baǵalaý úshin Rýmynııa saılaýyna qatysty barlyq dáleldi saqtaýdy tapsyrdyq, - deıdi ol.
Eýropalyq komıssııa baspasóz qyzmetiniń málimetinshe, qazir jan-jaqty tergeý júrgizilip jatyr.