Eýropalyq komıssııa prezıdenti Iordanııa korolimen telefon arqyly sóılesti

ASTANA. KAZINFORM — Eýropalyq komıssııanyń prezıdenti Ýrsýla fon der Lıaıen aımaqtaǵy shıelenistiń kúsheıýine baılanysty Abdalla II Iordanııa korolimen telefon arqyly sóılesti, dep habarlaıdy Kazinform agenttiginiń Brıýsseldegi menshikti tilshisi.

— Hameneı ketkennen keıin Iran halqyna jańa úmit paıda boldy. Biz olardyń bolashaǵy ózderine tıesili bolýyn jáne ony ózderi qalyptastyrýyn qamtamasyz etýimiz kerek, — dedi Ýrsýla fon der Lıaıen.

Sondaı-aq, ol qazirgi kezeńniń óńirdi zorlyq-zombylyqqa ıtermeleýi múmkin naqty turaqsyzdyq qaýpin de týdyratynyn atap ótti.

— Biz turaqtylyq pen qaýipsizdikti qamtamasyz etý, sondaı-aq beıbit turǵyndardyń ómirin qorǵaý úshin barlyq negizgi qatysýshymen jáne aımaqtyq seriktesterimizben tyǵyz jumys isteımiz. Iordanııa Eýropa úshin óńirdegi mańyzdy seriktes jáne aldaǵy kezeńde sheshýshi ról atqarady. Bul qıyn kezeńde kórsetken kóshbasshylyǵyńyz úshin alǵys aıtamyz. Siz bizdiń tolyq qoldaýymyzǵa senim arta alasyz, — dep túıindedi Ýrsýla fon der Lıaıen.

Buǵan deıin EO SІM basshylary shuǵyl vıdeokonferentsııa ótkizetindigi habarlanǵan edi.