Eýropalyq komıssııa adam jasyn tekseretin tsıfrlyq qosymsha ázirledi
ASTANA.KAZINFORM - Sársenbi kúni Eýropalyq komıssııa Ýrsýla fon der Lıaıen men atqarýshy vıtse-prezıdent Hena Vırkkýneniń adam jasyn tekseretin tsıfrlyq qosymsha ázirleý týraly málimdemesin jarııalady.
Eýropalyq jasty tekserý qosymshasy Ýrsýla fon der Leıenniń 2025 jylǵy Odaqtyń jaǵdaıy týraly joldaýynda jarııalandy. Eýropalyq komıssııa qosymshanyń daıyn ekenin jáne jaqyn arada azamattardyń paıdalanýyna qoljetimdi bolatynyn málimdedi.
Bul paıdalanýshylarǵa onlaın platformalarǵa kirgen kezde jasyn, tegin ońaı tekserýge múmkindik beredi, balalardy zııandy nemese zańsyz kontentten qorǵaıdy.
- Balalardy platformalar emes, ata-analar tárbıeleýi kerek,- dedi Ýrsýla fon der Lıaıen atqarýshy vıtse-prezıdent Hena Vırkkýnenmen birlesip jarııalaǵan málimdemesinde.
Eýropalyq komıssııa qosymshanyń paıdalanýshyǵa yńǵaıly bolatynyn, joǵary qupııalylyq standarttaryna saı keletinin, kez kelgen qurylǵyda qoljetimdi bolatynyn jáne EO seriktes elderi paıdalana alatyndaı ashyq bolatynyn atap ótti.
Aıta keteıik, Eýropalyq komıssııa Snapchat-ty balalardy qorǵaý erejelerine sáıkestigin tekseredi.
