Eýropaǵa vızalyq rejımdi jeńildetý: Ermek Kósherbaev Brıýsselge saparlaıdy
ASTANA. KAZINFORM — 1 jeltoqsanda Syrtqy ister mınıstri Ermek Kósherbaev Qazaqstan — EO yntymaqtastyq keńesiniń HHІІ otyrysyna qatysý úshin Brıýsselge saparmen barady. Bul týraly SІM Halyqaralyq aqparat komıtetiniń tóraǵasy, mınıstrliktiń resmı ókili Aıbek Smadııarov málimdedi.
Otyrys barysynda taraptar Qazaqstannyń Eýropalyq odaqpen kópjosparly ózara is qımylyna dástúrli jan jaqty sholý júrgizedi jáne on jyl buryn qol qoıylǵan Keńeıtilgen seriktestik pen yntymaqtastyq týraly kelisimniń praktıkalyq iske asyrylýyn talqylaıdy.
— Ekijaqty yntymaqtastyqtyń negizgi baǵyttaryna — energetıka, kólik jáne logıstıka, tsıfrlandyrý, azamattyq avıatsııa, vızalyq rejımdi ońaılatý, sondaı aq asa mańyzdy shıkizat materıaldaryn óndirý men paıdalanýǵa erekshe nazar aýdarylatyn bolady, — dedi Aıbek Smadııarov mınıstrlikte ótken brıfıngte.
Otyrys sheńberinde ekijaqty yntymaqtastyqtyń aǵymdaǵy máseleleri boıynsha pikir almasý jáne atalǵan salalarda birlesken jobalardy iske asyrý jónindegi naqty praktıkalyq qadamdardy jasaý josparlanyp otyr.
Aıta keteıik, bıyl Qazaqstan men Eýropanyń Keńeıtilgen seriktestik pen yntymaqtastyq týraly kelisim ornatqanyna 10 jyl tolady. Bul rette Qazaqstan – uıymnyń «jańa býyn kelisimin» jasaǵan Ortalyq Azııadaǵy alǵashqy memleket.