Eýropaǵa vıza talabyn jeńildetý jumysy kún saıyn júrip jatyr — QR SІM

ASTANA. KAZINFORM — Eýropalyq odaqpen vızany jeńildetý jumysy kún saıyn júrip jatyr. Ol úshin EO-nyń ár memleketimen jeke sóılesý kerek. Bul jaıly QR Syrtqy ister mınıstrliginiń resmı ókili Aıbek Smadııarov málim etti.

— Ótken jyly biz Qazaqstan Eýropalyq odaqpen vızalyq rejımdi ońaıtýla týraly kelissózderdi bastaǵanyn habarlaǵan edik. Bul jumys kúndelikti júrgizilip jatyr. Ol úshin Eýropalyq odaqtyń ár memleketimen jeke sóılesý kerek. Jaqynda bizdiń delegatsııa Germanııaǵa baryp, nemis tarapymen sóılesip qaıtty. Kelesi aptada bizdiń Srytqy ister mınıstrliginiń delegatsııasy taǵy Eýropaǵa barady. Іshki ister mınıstrligi bar, Ulttyq qaýipsizdik bar, Syrtqy ister mınıstrligi bar, mıgratsııalyq máseleler bar, bári jan-jaqty qaralýy kerek. Sondyqtan bul másele 1-2 kún emes, biraz jyldy qajet etedi. Naqty ýaqytyn aıta almaımyz, biraq tezdetýge tyrysyp jatyrmyz, — dedi Aıbek Smadııarov mınıstrlikte ótken brıfıngte.

Aıta keteıik, 1 jeltoqsanda Syrtqy ister mınıstri Ermek Kósherbaev Qazaqstan — EO yntymaqtastyq keńesiniń HHІІ otyrysyna qatysý úshin Brıýsselge saparmen barady.

Otyrysta taraptar energetıka, kólik jáne logıstıka, tsıfrlandyrý, azamattyq avıatsııa, vızalyq rejımdi ońaılatý, sondaı-aq asa mańyzdy shıkizat materıaldaryn óndirý men paıdalanýdy talqylamaq. 

 Bıyl Qazaqstan men Eýropanyń Keńeıtilgen seriktestik pen yntymaqtastyq týraly kelisim ornatqanyna 10 jyl tolady. Bul rette Qazaqstan — uıymnyń «jańa býyn kelisimin» jasaǵan Ortalyq Azııadaǵy alǵashqy memleket.