Eýropaǵa vıza rejımin jeńildetý: naqty sheshim qashan bolady
ASTANA. KAZINFORM – Eýropaǵa vıza rejımin jeńildetý boıynsha kelissózdiń ekinshi raýndy ótti. Bul týraly Syrtqy ister mınıstriniń orynbasary Arman Isetov aıtty.
- Bul kelissózderdiń eki raýndy ótti. Jaqsy ilgerileý bar. Atap aıtqanda, kópjaqty aspektiler talqylanyp jatyr. Sondyqtan jaqyn arada vıza rejımin jeńildetýge qol jetkizemiz dep oılaımyn, - dedi Arman Isetov Senatta tilshiler suraǵyna jaýap bere otyryp.
Osy oraıda ol taıaýda bul baǵytta qol qoıylatyn qujattyń jobasy tolyq kelisilýi múmkin ekenin atap ótti.
- Qazaqstan jaǵy bar kúsh-jigerin salyp jatyr. Jalpy, kelissózder ońtaıly negizde ótip jatqanyn bilemin, - dedi mınıstrdiń orynbasary.
Aıta keteıik, bıyl naýryz aıynda QR Syrtqy ister mınıstri Ermek Kósherbaev Eýropaǵa vıza rejımin jeńildetý boıynsha kelissózde negizdi jumystar pysyqtalyp bolǵanyn málimdedi.
