Eýropaǵa rýhanı azyqty endi biz bere bastaımyz - abaıtanýshy ǵalym
Fılologııa ǵylymdarynyń doktory, professor M.Myrzahmetovtyń aıtýynsha, Prezıdent maqalasy der kezinde jarııalanyp otyr.
«Tarıhı sanany jańǵyrtý, jurtqa jarııalaý - úlken erlik. Bul maqala kóp adamǵa oı salady. Tarıhty, uly dalanyń tarıhyn biz áli asha alǵanymyz joq. Bizdiń uly dalamyzda nebir uly adamdar ótken. Sonyń kóbin biz bile bermeımiz. Taıaý arada biz Shymkentte «Attıla ı gýnskaıa orda» degen kitap shyǵardyq. Attıla V ǵasyrda artta qalǵan, saıası uǵymy áli tereń ermes, memleket túrlerin bilmeıtin búkil Eýropany, halyqty jańǵyrtyp solarǵa ıdeıa bergen, tiriltken adamdardyń biri boldy. Bul týraly Bolgar tarıhshysy erterekte jazǵan. Mundaı ǵylymı dúnıeler ashylyp ketkende ne bolady? 842 jyly bolgar tilinde «Shań qyzy» degen dastan shyqqan. Orys tiline aýdarylǵan eken. Kólemi óte úlken. Bizdiń búkil dúnıetanymymyz sonda tur. Túrikterdiń qaıdan shyqqany, qalaı qalyptasqany barlyǵy jazylǵan. Elbasynyń búgingi maqalasy tarıhı sanany kóterýdiń, halyqqa jetkizýdiń keremet metodologııasy retinde jazylǵan», - dedi Mekemtas Myrzahmetov.
Ǵalymnyń aıtýynsha, endigi kezekte qazaq tarıhshylary men zertteýshiler eýropatsentrıstik baǵyttaǵy izdenisten bas tartýy tıis.
«Biz kóp jaǵdaıda Eýropaǵa elikteımiz. Eýropa rýhanı azyq berýden qalǵan. Endi olarǵa ony biz bere bastaımyz. ıAsaýıdiń ilimi, Abaıdyń «Tolyq adam» ilimi, Shákárimniń «Ar ilimi» olardyń qolynda joq. Osyny jazyp tez arada halyqqa berýimiz kerek. Jaqynda Abaıdyń «Tolyq adam» ilimi týraly monografııa jazýdy aıaqtadym. Sonda uqqanym, adamdy jaman qylyqtan tazalaýdyń quraly bizde eken. Sondyqtan, osy baı tarıhymyzben, muramyzben nege maqtanbasqa?!», - dedi ol.
Eske salaıyq, búgin QR Prezıdenti Nursultan Nazarbaev «Uly dalanyń jeti qyry» atty maqalasyn jarııalaǵan bolatyn.
