Eýropaǵa Kaspıı gazy 2019 jyldyń aıaǵynda alǵash ret jetkiziletin bolady

BAKÝ. QazAqparat - Ońtústik gaz dálizi boıynsha Eýropaǵa ázerbaıjandyq gazdy jetkizý 2019 jyldyń aıaǵynda bastalady. Bul týraly Bakýde Munaıshylar kúni qurmetine ótken saltanatty qabyldaýda sóz sóılegen SOCAR (Ázerbaıjannyń memlekettik munaı kompanııasy) basshysy Rovnag Abdýllaev málimdedi.

Onyń aıtýynsha, Ońtústik gaz dáliziniń barlyq kezeńderindegi jumys kesteden alǵa ozyp júrgizilýde.

«Gazdy merziminde jetkizý jaǵynan másele týyndaı qoımas dep oılaımyn. 2018 jyldyń birinshi jartysynda gaz Túrkııaǵa, 2019 jyldyń sońynda Eýropaǵa jetkiziledi», - dedi R, Abdýllaev.

«Ońtústik-Kavkaz qubyr ótkizgishin keńeıtý jumystary júrgizilýde. Grýzııada kompressorlyq stansa salynýda. Túrkııada Transanatolıı qubyry (TANAP) qurylysynda dánekerleý jumystary bastaldy, sondaı-aq qubyr jetkizý úrdisi belsendi júrgizilýde. Eýropada belgili bir saıası qıyndyqtarǵa qaramastan, Transadrıat qubyryn (TAP) salý bastaldy», - dep atap ótti ol.