«Eýropadan qazaqtyń shejiresi tabyldy» - respýblıkalyq basylymdarǵa sholý
***
«Qazaqstan Respýbılkasynyń Prezıdenti Nursultan Nazarbaev Indonezııa Respýblıkasyna memlekettik saparmen bardy. Maqsat - Ońtústik-Shyǵys Azııada ózindik orny bar elmen yntymaqtastyq qarym-qatynastaryn damyta túsýge nyq qadam jasaý», - dep jazady «Egemen Qazaqstan» gazeti «Shalǵaı elmen de jaqyndasýǵa bolady» degen taqyryptaǵy maqalasynda. Basylymnyń baıan etýinshe, keshe tús aýa Qazaqstan basshysy Nursultan Nazarbaev Indonezııa Prezıdenti Sýsılo Bambang ıÝdoıonomen kezdesip, kelissóz júrgizdi. Onda basty nazar Qazaqstan men Indonezııa arasyndaǵy yntymaqtastyq qarym-qatynastardy túrli sala boıynsha sapalyq jańa deńgeıge kóterý máselelerine aýdaryldy.
Qazaq eliniń táýelsizdigi tanylǵan shaqta dıplomatııalyq qatynas ornatýǵa peıil tanytqan eldiń biri - Belgııa Koroldigi boldy. Osy jyldar ishinde eki memleket arasyndaǵy qatynastar yrǵaǵynan jańylmaı jyldan-jylǵa ósý ústinde. Osy oraıda «Egemen Qazaqstan» gazeti ǵalamtor múmkindigin paıdalanyp, Qazaqstan Respýblıkasynyń Belgııa Koroldigi men Uly Lıýksembýrg Gertsogtyǵyndaǵy Tótenshe jáne Ókiletti elshisi, Qazaqstannyń Eýropalyq Odaq pen NATO janyndaǵy mıssııasynyń basshysy Erik Ótembaevty suhbatqa tartqan. Suhbat basylymnyń senbilik sanynda «Kemeldilikke jetken qatynastar» degen taqyryppen berilgen.
Gazettiń "Parlament" atty tuaqty aıdaryn da oqyrmandar osy sannan tabady. Sonymen qatar gazet shaǵyn qalalardyń tynys-tirshiligi jaıly búgin "Tolǵandyrar taqyryp" aıdarymen "Balqash qatardan qalǵysy kelmeıdi" degen kólemdi maqala jarııalap, kendi-qalanyń qordaly máselelri týraly tarqata baıandaǵan.
***
«Alash aınasy» gazetiniń turaqty «Dat!» aıdarynda «Gúlder» ansambliniń dırektory Jeńis Seıdollaulymen aradaǵy suhbat «Qazaqtyń ulttyq mýzykasyna óz mártebesin qaıtarýǵa tıispiz» degen taqyryppen berilgen. Basylym tilshisiniń barlyq saýaldaryna tuşymdy jaýap bergen ol: «Qazaq qazaqty syılaı bilsin degenim keledi. Meıli, ol qoıshy bolsyn, meıli, ol avtobýs júrgizýshisi bolsyn, oǵan joǵarydan mensinbeı qaramaı, qazaǵym dep jaqsy kórip, olardyń aman-saý júrgenine qýanýymyz kerek. Birinshi ózimizdi syılaıyq, sonda ǵana ózgelerge ózimizdi syılata alamyz», - deıdi ol.
***
Elimizdiń mádenı murasyn zertteý maqsatynda qolǵa alynǵan «Bolashaq» baǵdarlamasy boıynsha Eýropanyń birqatar elderin aralap qaıtqan kórnekti ádebıetshi hám túrkitanýshy ǵalym Amanqos Mekteptegi osy saparynda alshyn, jalaıyr, naıman jáne úısin rýlarynyń buryn-sońdy kezdespegen shejiresin taýyp qaıtypty. Bul súıinshi habardy «Aıqyn» gazeti jarııalap otyr. Shaǵyn aqparat «Eýropadan qazaqtyń shejiresi tabyldy» degen taqyryppen berilgen.
«Qazaqstandaǵy iri ulttyq áýe tasymaldaýshylardyń biri - «Eır Astana» áýe kompanııasy 9 sáýirden bastap óziniń avıaparkinen Fokker 50 týrbovınttik ushaqtardy kezeń-kezeńimen paıdalanýdan shyǵarý protsesin bastady», - dep jazady «Aıqyn» gazeti. Basylymnyń atap ótýinshe, qazirdiń ózinde áýe kompanııasy osy tıptegi 6 ushaǵynyń birin paıdalanýdan alyp tastaǵan.
***
«Grek-rım, erkin jáne áıelder kúresinen olımpıadalyq irikteý týrnırleri aıaqtalady», dep jazady «Kazahstanskaıa pravda» gazeti. Azııa elderi úshin sońǵy irikteý týrnıri Qytaıdyń Taııýan qalasynda 27 sáýir kúni bastalmaq. Árıne, qazaq eliniń balýandary bul kúres túrlerinen birneshe salmaq sanatynda lıtsenzııaǵa ıe bolǵan edi. Endigi úmit lıtsenzııa alynbaǵan salmaq sanatynda beldesetin sportshylarymyzda.
***
«Ekspress-K» gazetiniń jazýynsha, keshe, Mıneraldy sýdan Tashkentke baǵyt alǵan ushaq Aqtaý qalasynyń halyqaralyq áýejaıyna amalsyzdan qonǵan. Oǵan ushaqtaǵy Ózbekstan azamatshasynyń tolǵaǵy tosynnan kelýi sebep bolǵan eken. Tolyǵyraq «Zaletevshaıa s nebes» degen taqyryptaǵy maqaladan bile alasyzdar.
