Eýropadaǵy sý tasqyny Polshaǵa jetti
ASTANA. 4 maýsym. QazAqparat - Chehııadaǵy sý tasqyny saldarynan úsh adam qaza bolyp, taǵy úsheýi iz-túzsiz joǵalyp ketti.
Qazirgi kezde eldiń 40-qa jýyq qalalarynda, onyń ishinde astanasy - Pragada da qaýipti jaǵdaı qalyptastyp otyr. Vltava ózeniniń deńgeıi kóterilip keledi. Búginde kóptegen avtomobıl jáne temirjol baǵyttary boıynsha qozǵalys jabyldy. Sý tasqyny Chehııamen shekaralas Polsha memleketine de jetti. Ol jaqta sý tasqynymen qatar qatty jel turdy.
Avstrııada bir adam qaıtys bolyp, ekeýi iz-túzsiz joǵaldy. Al Germanııanyń Drezden qalasynda tótenshe jaǵdaı engizildi.
