Eýropadaǵy sý tasqyny: 9 adam iz-túzsiz joǵalyp ketti
ASTANA. 5 maýsym. QazAqparat - Ortalyq Eýropadaǵy sý tasqyny saldarynan on adam qaıtys bolyp, taǵy toǵyzy iz-túzsiz joǵalyp ketti.
Chehııada sý tasqyny báseńdep keledi. Pragadaǵy Vltava ózeniniń kóterilýi toqtady. Alaıda eldegi jaǵdaı áli de qaýipti bolyp tur. Búginde ýly qaldyqtar sýǵa taramas úshin chehtyń «Staropramen» syra óńdeý zaýyttarynyń jumysy toqtatyldy. Jalpy, Ortalyq Eýropa aımaǵynda jańbyr tolastamaýda. Sonyń saldarynan birqatar ózender arnasynan asyp, Germanııanyń Saksonııa, Tıýrıngııa, Bavarııa jáne Baden-Vıýrtemberg aımaqtary qatty zardap shekti. Ol jaqta avto jáne temir joldardardyń birazy jabyldy. Budan basqa, Avstrııa men Polshada sý tasqyny qaýpi kúsheıip otyr.
