Eýropadaǵy NATO kúshteriniń jańa bas qolbasshysy taǵaıyndaldy
BRıÝSSELЬ. 29 naýryz. QazAqparat - NATO-nyń Soltústikatlantıkalyq keńesi - Uıymnyń joǵary saıası organy Alıansqa múshe 28 memlekettiń turaqty ókilderi deńgeıinde amerıkandyq general Fılıp Brıdlavtyń Eýropadaǵy NATO Birikken qarýly kúshteriniń bas qolbasshysy laýazymyna taǵaıyndalýyn maquldady.
Bul týraly NATO baspasóz qyzmeti habarlady.
Qazirgi ýaqytta general F.Brıdslav AQSh-tyń Eýropa men Afrıkadaǵy Áskerı áýe kúshteriniń qolbasshysy qyzmetin atqarýda. Ol óziniń 35 jyldyq áskerı mansabynda Eýropada, onyń ishinde «Ramshtaın» avıabazasynda qyzmette boldy.
