Eýropadaǵy qaýipsizdik jáne yntymaqtastyq uıymyn reformalaý Astana sammıtinen bastalatyn sııaqty - respýblıkalyq basylymdarǵa sholý

***
«Búkil ádemdi alańdatyp otyrǵan Aral óńirindegi jaǵdaıdy saýyqtyrýǵa baılanysty qyrýar sharýa tyndyrylyp jatyr, aldaǵy ýaqytta bul jumys óristeı túspek. Aıtarlyqtaı qarjy bólip otyrǵan demeýshiler de bar eken. Aýqymdy jumysty úılestirýshiler de istiń kózin taýyp jatyr. Eń bastysy, bul másele halyqaralyq uıymdardyń nazarynda, qamqorynda», dep jazady «Egemen Qazaqstan» basylymy búgingi shyqqan sanynda. Bul týraly basylymdaǵy «Araldyń bolashaǵy alda» atty maqaladan oqýǵa bolady.

Sondaı-aq atalmysh basylma suhbat bergen Mekemtas Myrzahmetuly «Batystan jetken jat minez, bas kótertpeı barady. Odan Abaı

men Baýyrjandy oqý arqyly tazarýǵa bolady» deıdi. Osyndaı taqyryppen berilgen suhbattan Mekemtas Myzahmetulynyń búgingi qoǵamdaǵy sana-sezim týraly, Abaı men Baýyrjannyń eńbekteri týraly oı-pikirlerin bilýge bolady.

***

«Eýropadaǵy qaýipsizdik jáne yntymaqtastyq uıymyn reformalaý Astana sammıtinen bastalatyn sııaqty. Árıne bul máselege qatysty skeptıktik kózqaras tanytyp otyrǵandar da bar. Máselen, Vashıngton sammıtin ótkizý týraly amerıkalyqtarmen kelissózder onsha sátti bola qoıǵan joq. Biraq Aqorda sammıtin ótkizý qajettigine, onyń memlekettiń ımıdjin jaqsartý úshin Qazaqstanǵa emes, eń aldymen sol uıymnyń ózine qajettigine Batystaǵy jáne Shyǵystaǵy serikteriniń kózi jetkize aldy dep oılaımyn», deıdi reseılik saıasattanýshy, Máskeý memlekettik ýnıversıtetiniń aqparattyq-saraptamalyq ortalyǵynyń jetekshisi Alekseı Vlasov «Aıqyn» basylymyna bergen suhbatynda. Atalmysh suhbatty «Aıqynnyń» búgingi sanyndaǵy «EQYU-ny reformalaý Astana sammıtinen bastalmaq» degen suhbattan oqı alasyzdar.

***

«Alash aınasy» basylymynyń habarlaýynsha, Qyrǵyzstanmen shekarasy shektesetin Jambyl oblysynda kúnde bir tosyn oqıǵanyń oryn alýy qalypty jaǵdaıǵa aınalyp ketkendeı. Qarý-jaraq, esirtki tasymaly jolda qalyp, endi qandastarymyz shegendeýli shekaranyń arǵy betinde qalyp qoıyp, qıyn jaǵdaıǵa tap bolyp jatyr. 100-den astam qazaqstandyq otbasy Qyrǵyzstan men Qazaqstan arasyndaǵy aımaqta qalyp qoıǵan. Bul týraly basylymnyń búgingi sanyndaǵy «Qorasy Qazaqstanda - úıi - Qyrǵyzstanda» atty maqaladan oqısyzdar.

Sondaı-aq atalmysh basylym tilshileriniń jazýynsha, elimizde birazdan beri polıgon aımaqtaryna ınvestorlar tartý jaıy qyzý talqyǵa túsip jatyr. Qaısibir minberlerde osy másele qoldaý taýyp jatsa, endi bir tarap «eldegi polıgon aımaqtary tolyq zalalsyzdandyrylyp bitken joq. Demek ol aımaqtardy qoldanysqa berýdiń tabysqa jeteleıtinine sený qıyn» degen pikirlerdi alǵa tartady. Al irgedegi Qytaı Halyq Respýblıkasynyń ınvestorlary ınvestıtsııa salýǵa beıil. Máseleniń anyq-qanyǵyn bilgińiz kelse, «Alash aınasy» basylymynyń búgingi sanyndaǵy «Polıgon aımaqtaryna ınvestıtsııa talý qanshalyqty tıimdi» atty maqaladan oqýǵa bolady.

***

«Kazahstanskaıa pravda» basylymynyń búgingi sanynda «Pomenıat orala na... mıachı» atty qyzyqty maqala jarııalanypty. Onda Aýǵanstannyń qarjy mınıstri baıandamasynda aýǵanstandyq balalardyń 40 paıyzy, ıaǵnı 8 mıllıonǵa jýyq balalar dene eńbegimen aınalysýǵa májbúr ekendigin aıtady. Mınıstrdiń sózinshe, osy balalardyń basym bóligi aýyl sharýashylyǵyndaǵy jumystarmen aınalysýda. «Árıne eger olar egin egip, kókónis ósirip jatsa jatsa bir sári. Ókinishke oraı olar mak ósirýmen aınalysady. Sóıtip bolashaqta esirtki saýdasymen aınalysatyn azamattardyń taǵy bir legi ósip kele jatyr», deıdi mınıstr.

***

Qazaqstandyq arheologtar Kent taýlarynda qazba jumystaryn júrgizý barysynda altyn buıymdarǵa oranǵan adamdyń súıegin tapty. Onyń er adamdiki nemese áıel adamdiki ekenin saraptaý jumystary anyqtaı jatady. Al arheologtar qazirdiń ózinde bul súıektiń Qazaqstan tarıhy úshin qanshalyqty mańyzdy ekenin, ony tipti altyn adammen salystyrýǵa bolatyn jańalyq ekenin aıtýda. Bul týraly «Lıter» basylymyndaǵy «Zolotoı chelovek -2» atty maqaladan bilýge bolady.