Eýropadaǵy eń tanymal kólikter reıtıngi jasaldy
ASTANA. QazAqparat - Maýsym aıynyń qorytyndysy boıynsha Eýropadaǵy jeńil avtokólikterdiń eń tanymal úlgileriniń reıtıngi jarııalandy. Kósh bastap turǵandary - nemis, frantsýz jáne amerıkalyq markaly avtomobılder.
CarFactum habarlaǵandaı, maýsymda Volkswagen Golf kóligi eń kóp satylǵan.
Ótken jyldyń osy kezeńimen salystyrǵanda, satý 7,5 paıyzǵa ulǵaıyp, 43 960 birlikti quraǵan. Satý kólemi boıynsha ekinshi oryndy Renault Clio alyp otyr. Bul úlgidegi 34 606 kólik satylǵan (2013 jylmen salystyrǵanda 12,3 paıyzǵa artyq). «Kóshbasshylar úshtigine» Ford Fiesta kiredi, ony 27 523 adam satyp alǵan.
Sondaı-aq maýsymdaǵy eń tanymal TOP-10 eýropalyq modelderdiń ishinde Opel Corsa (Ulybrıtanııadaǵy - Vauxhall Corsa) bar, ony 26 935 adam satyp alsa, Volkswagen Polo mashınasynyń 22 531 danasy satylǵan. Sonymen qatar olardyń qatarynda Ford Focus (21 712 dana), Renault Captur (20 893 dana, +116%), Peugeot 208 (19 373 dana), Nissan Qashqai (19 271 dana) jáne Opel/Vauxhall Astra (19 063 dana) kólikteri bar.
Birden-bir jańa kólik - Renault Captur bir jyl buryn satyla bastasa da, eýropalyqtar ony endi ǵana baǵalaı bastady. Sarapshylar atap ótkendeı, Captur úlgisi SUV birinshi jınaqy úlgi bolyp tabylady, ol eýropalyq bestsellerdiń «ondyǵyna» enedi. Jalpy alǵanda, bul reıtıng eýropalyqtardyń burynǵydaı jınaqy modelderge artyqshylyq beretinin kórsetti.
Qazirgi ýaqytta krossoverlerdi unatatyndar negizinen ortasha deńgeıdegi kólikterdi tańdaıdy (Nissan Qashqai - kósh bastap turǵandardyń biri), alaıda birqatar jınaqy úlgilerdiń paıda bolýyna baılanysty olarǵa da kóp nazar aýdarylýda.
