Eýropadaǵy eń bıik qanat joly Elbýrste ashylady
ASTANA. QazAqparat - Eýropada eki bıik taýly qanat jolynyń ashylý rásimi jeksenbi Elbýrste ótedi, dep habarlady RIA Novostı Elbrýs aýdany Kabardıno-Balkarııa ákimshiliginiń baspasóz qyzmetine silteme jasap.
«Joǵary shyńy 3847 metrdi quraıtyn qanat jolynyń ashylýy aıasynda "Garabashı-Mır" jańa shańǵy joly boıynsha alǵashqy jarys bastalady» delingen habarlamada.
Jol segiz oryndyq gondolamen jaraqtalǵan, onyń uzyndyǵy 1675 metr, al ruqsat etý qabileti - saǵatyna 750 adam. Keleshekte 1,5 myń adamǵa ulǵaıtý josparlanýda.
Budan buryn "KSK" AQ 2015 jyly Elbýrs kýrortyn damytýǵa 1 mıllıard rýblden astam ınvestıtsııa quıylatynyn aıtqan. 2020 jylǵa deıin kýrortty damytýǵa 6 mıllıard rýblden astam qarajat bólý josparlanýda.
