Eýropadaǵy poshta operatorlary AQSh-tan jóneltilimderdi qabyldaýdy toqtatady

ASTANA. KAZINFORM — 23 tamyzdan bastap Norvegııa, Shvetsııa jáne Belgııadaǵy poshta operatorlary kedendegi jaǵdaı naqtylanǵansha AQSh-tan jóneltilimderdi qabyldaýdy jáne jiberýdi toqtatady. 

Posten Bring, PostNord jáne bpost bul sheshim AQSh 800 dollarǵa deıin jóneltilimderge arnalǵan artyqshylyqtardy joıǵannan keıin qabyldanǵanyn aıtty. Buryn mundaı jóneltilimder kedendik baj salyǵynan bosatylǵan.

29 tamyzda kúshine enetin jańa erejelerge sáıkes, jiberýshiler jóneltilimderi AQSh-qa jetkizilmes buryn kedendik alymdardy tóleýi kerek. 

— Bul protsestiń egjeı-tegjeıin AQSh keden organdary áli naqtylaǵan joq, — dep jazylǵan Posten Bring málimdemesinde.

100 dollardan tómen jáne 800 dollardan joǵary jóneltilimder úshin erejeler ózgermegeni atap ótildi.

Eske sala keteıik, AQSh 6000-nan astam halyqaralyq stýdenttik vızanyń kúshin joıdy.