Eýropadaǵy Palestınany qoldaý aktsııalary: Rım, Madrıd jáne Londonda júzdegen myń adam kóshege shyqty
ASTANA. KAZINFORM — Eýropanyń birneshe qalasynda ondaǵan myń adam Palestınany qoldaý maqsatynda jappaı narazylyq sherýlerine shyqty, dep habarlaıdy BBC.
Izraıl Gaza sektoryna gýmanıtarlyq kómek jetkizbek bolǵan 40-tan astam kemeden turatyn flotılııany ustap qalǵannan keıin, búkil Eýropa boıynsha adamdar kóshege shyqty.
L’onda non si ferma più, un milione di persone oggi a Roma#BlocchiamoTutto pic.twitter.com/7ZSa7BuLlC
— M49 (@M49liberorso) October 4, 2025
Uıymdastyrýshylardyń málimetinshe, Rımdegi sherýge mıllıonnan astam adam qatysqan, al polıtsııa olardyń sanyn shamamen 250 myń dep baǵalaıdy.
Kúnniń ystyǵyna qaramastan ótken bul beıbit narazylyq aktsııasyna stýdentter, balalar men qarttar qatysty. Qatysýshylar qoldaryna transparanttar men jalaýlar ustap, «Palestınaǵa bostandyq!» degen urandar aıtty.
Anatomia di una marea #Roma #Gaza pic.twitter.com/JSC1q6fF6x
— Il Grande Flagello (@grande_flagello) October 4, 2025
Sherýdiń sońyna taman shamamen 200 adam negizgi toptan bólinip, Santa-Marııa-Madjore bazılıkasynyń mańynda polıtsııamen qaqtyǵysqan. Quqyq qorǵaý organdarynyń málimetinshe, tártip saqshylary buǵan jaýap retinde kózden jas aǵyzatyn gaz jáne sý atqysh quraldaryn qoldanǵan.
Cries for Intifada in the streets of London, 2 days after British Jews were murdered by a terrorist. How is this OK? Can't the British people understand that this is completely fucked up? pic.twitter.com/VtfsRI2fCb
— Elad Simchayoff (@Elad_Si) October 4, 2025
Osyndaı demonstratsııalar Madrıdte, Barselonada, Londonda jáne Lıssabonda da ótti. Narazylyqtar beıbit sıpatta bolǵanymen, keı jerlerde polıtsııamen qaqtyǵystar tirkeldi. Londonda tyıym salynǵan Palestine Action uıymyn qoldaý aktsııasynda 492 adam ustaldy, olardyń eń jasy úlkeni — 89 jasta.
Aıta ketsek, juma kúni Italııanyń keıbir aımaqtarynda ulttyq deńgeıde ereýilder men jappaı narazylyqtar ótti. Olar premer-mınıstr Djordja Melonı úkimetinen Izraıldiń Gaza sektoryndaǵy soǵysyna qatysty qatań ustanym ustanýdy talap etti.
Aıta ketelik Palestınany moıyndaý: sońǵy ózgerister men qazirgi ahýal qandaı ekenin jazǵan edik.