Eýropadaǵy eń qart er adam ómirden ótti
ASTANA. KAZINFORM — Italııanyń Avılıano qalasynda Eýropadaǵy eń qart er adam sanalatyn Vıtantonıo Lovallo 112 jasynda qaıtys boldy. Ol 1914 jyly naýryz aıynda dúnıege kelgen, dep habarlaıdy BILD.
Lovallo uzaq jyldar boıy fermer bolyp jumys istegen. Ol qoı baǵyp, júzimdigin kútken. Tipti 100 jastan asqan shaǵynda da júzimdiginde jumys isteýdi jalǵastyrǵan.
Ekinshi dúnıejúzilik soǵys kezinde Lovallo maıdanda áskerı qyzmet atqaryp, 1943-1945 jyldary nemis tutqynynda bolǵan. Onyń 4 balasy bar. Al jubaıy birneshe jyl buryn qaıtys bolǵan.
Lovallo qaıtys bolǵannan keıin Eýropadaǵy eń qart er adam ataǵy 111 jastaǵy portýgalııalyq Joakım Varelaǵa ótti. Alaıda Eýropadaǵy eń qart turǵyndar tiziminde ol 32-orynda tur. Onyń aldynda 31 áıel bar.
Tizimge sáıkes, Eýropadaǵy jáne álemdegi eń qart adam — 117 jastaǵy brıtandyq Etel Katerhem.
Eske salaıyq, Japonııada 100 jastan asqan turǵyndar sany alǵash ret 100 myńnan asty.
