Eýropadaǵy aptap ystyq 2300-ge jýyq adamnyń ómirin qııýy múmkin edi - zertteý

ASTANA. KAZINFORM - Kıngs kolledji men London medıtsına mektebindegi brıtandyq ǵalymdardyń blıts-saraptamasyna sáıkes, Eýropada ótken aptada basyla bastaǵan tótenshe ystyq tolqyn shamamen 2300 adamnyń mezgilsiz ólimine sebep bolýy múmkin edi. Bul týraly BBC habar taratty.

Reuters jáne AFP habarlaǵan zertteýde klımattyń ózgerýi 10 kúndik aptap ystyq tolqyny kezinde temperatýranyń tórt gradýs Tselsııge kóterilýine sebep bolǵan 12 qalanyń (sonyń ishinde Barselona, Madrıd, London jáne Mılan) derekterine taldaý jasaldy. Keıbir Batys Eýropa elderinde aýa temperatýrasy 40 gradýstan asqan.

2300 mezgilsiz ólimniń 1500-ge jýyǵy klımattyń ózgerýimen baılanysty. Zertteýshiler ystyqqa baılanysty bolǵan ólim-jitimderdiń kópshiligi resmı túrde tirkelmeıtinin atap ótti.

2025 jyly Batys Eýropa rekordtyq eń ystyq maýsymdy bastan ótkerdi, dep budan buryn eýropalyq aýa raıy qyzmeti habarlady.

Buǵan deıin álemniń kóptegen qalalarynda «jylý maýsymy» uzaryp bara jatqany aıtylǵan. «Barshaǵa arnalǵan klımatqa tózimdilik» uıymynyń sarapshylary jańa zertteýinde osyndaı qorytyndyǵa keldi.

Seısenbi kúni Nıý-Meksıko shtatynda nóser jańbyr jaýyp, sońy sý tasqynyna ulasqany týraly jazdyq.