Eýropada jylqy etin satýǵa qatysty 66 kúdikti ustaldy
ASTANA. QazAqparat - Eýroodaqtyń polıtseılik qyzmeti jeksenbi kúni odaqqa múshe elderdiń bólshek saýda núktelerine jylqy etin sıyr eti dep satyp kelgenderge qatysty is boıynsha 66 adamdy tutqyndady, dep habarlaıdy DW .
Jylqy etin sıyr eti dep satýǵa qatysty oqıǵa alǵash 2013 jyly Irlandııada anyqtalǵan. Tekserý alaıaqtyqqa Ispanııa men Portýgalııadaǵy fırmalardyń qatysty ekendigin kórsetken. Olar jeýge jaramsyz sanalatyn jylqy etiniń qujatyn ózgertip ony iri eýropalyq et eksporteri - Belgııaǵa jóneltip kelgen. Tergeý barysynda Ispanııada 65 adam qamaýǵa alynyp, basty kúdikti Nıderlandy azamaty Belgııada tutqyndaldy.
«Barlyq ustalǵandar janýarlarǵa qııanat jasaý, qujattardy qoldan ázirleý, aınaladaǵylardyń densaýlyǵyna zalal keltirý, qarjyny jylystatý jáne qylmystyq topqa múshe bolý sekildi aıyp taǵylýda», dep málim etti Eýroodaqtyń polıtseılik qyzmeti.
