Eýropada jumys isteıtin mıgranttar 2014 jyly otandaryna 109 mlrd. dollar aýdarǵan - BUU
ASTANA. QazAqparat - 2014 jyly Eýropada jumys isteıtin mıgranttar óz otandaryna 109 mlrd. AQSh dollaryn aýdardy. Atalǵan qarajat áleýmettik jaǵdaıy tómen 150 mıllıon adamǵa kómektesti.
Bul týraly Aýyl sharýashylyǵyn damytý halyqaralyq qorynyń jańa baıandamasynda habarlandy, dep jazady BUU-nyń Jańalyqtar ortalyǵy.
Reseı, Ulybrıtanııa, Germanııa, Frantsııa, Italııa jáne Ispanııa elderinen mıgranttardyń aqsha aýdarymdary kóbirek bolǵan. Reseıde jumys istegen mıgranttar 2014 jyly óz týǵan-týystaryna 20,6 mıllıard AQSh dollaryn jibergeni jazylady.
Eýropa elderinde jumys istegen barlyq aqsha aýdarymdarynyń úshten bir bóligi 19 elge - Balqan, Baltyq jáne Shyǵys Eýropaǵa jiberilgen. Qalǵan úshten eki bóligi negizinen Soltústik Afrıka jáne Ortalyq Azııa elderiniń enshisinde.
Aýyl sharýashylyǵyn damytý halyqaralyq qory Eýropanyń barlyq elderine mıgranttardyń aqsha aýdarý júıesin jeńildetip, olardyń baǵasyn qoljetimdi etýge shaqyrdy.
