Eýropada janartaý atqylaýyna baılanysty 5000 áýe reısi keıinge qaldyrylǵan
BRıÝSSELЬ. Sáýirdiń 16-sy. QazAqparat - Atlantıka arqyly ushatyn áýe reısteriniń jartysy Islandııadaǵy janartaýdyń oıanýyna oraı, búgingi juma kúni keıinge qaldyrylyp otyr.
Bul týraly resmı ótinishinde áýe qatynastary qaýipsizdigi jónindegi eýropalyq uıym - Eýrobaqylaý habarlady. Beısenbide búkil Eýropa boıynsha 5 myńnan 6 myńǵa deıingi áýe reısteri keıinge shegerilgen.
«Jaǵdaıdy taldaý janartaýdyń shańdy tútininen taraǵan bulttardyń jaıylýy ońtústik pen ońtústik-shyǵysqa oıysqanyn kórsetedi. Tańerteńgisin ol Germanııa men Polshanyń búkil aýmaǵyn jaýyp tastaýy múmkin», - delingen Eýrobaqylaý taratqan kommıýnıkede.
Keshe keshki ortalyq eýropalyq ýaqytpen 22:00-de janartaýdan shyqqan shańdy bulttar Belgııa, Nıderlandy, Soltústik Germanııa, Soltústik Frantsııa jáne Polshanyń soltústik bóligin jaýyp tastaǵan edi. Beısenbiniń ortasynda Islandııa, Ulybrıtanııa, Irlandııa, Danııa, Shvetsııa jáne Fınlıandııanyń áýe keńistigi tolyqtaı tumshalandy.
Aldyn ala málimetter boıynsha osy aýmaqtarda ornalasqan áýejaılar juma kúnge keshke deıin jabyq bolady, alaıda olardyń jumysy qalpyna kelýi atmosfera jaǵdaıyna baılanysty bolaıyn dep tur.
