Eýropada Jańa jyl qarsańynda qaýipsizdik sharalary kúsheıtildi
ASTANA. KAZINFORM – Jaqynda Aýstralııada evreı qaýymyna jasalǵan shabýyldan keıin Eýropa aımaǵynda kóptegen el Rojdestvo men Jańa jyl merekeleri qarsańynda qaýipsizdik sharalaryn kúsheıtip jatyr.
ÓzA aqparat agenttiginiń málimetinshe, Frantsııa bıligi azamattarǵa tónetin qaýip-qaterdi azaıtý maqsatynda jappaı is-sharalarǵa qatysýǵa shekteý qoıýdy josparlap otyr. Londonda da qaýipsizdik sharalary kúsheıtilgen.
Germanııadaǵy Eýropanyń eń kóne Rojdestvo jármeńkesi ornalasqan Drezden qalasynda polıtsııa joǵary daıyndyq rejımine kóshken. Sondaı-aq Strasbýrg, Vena jáne Zaltsbýrg qalalaryndaǵy jármeńkeler táýlik boıy jeke kúzet qyzmeti men beınebaqylaý kameralary arqyly qorǵalady.
Buǵan deıin habarlaǵanymyzdaı, AQSh-tyń arnaıy qyzmeti Los-Andjeleste jańa jyl túni josparlanǵan teraktilerdiń aldyn aldy.