Eýropada Jańa Qazaqstandy qurýǵa qoldaý kórsetýge daıyn – QR SІM
Kezdesýdiń negizgi taqyryptary ınvestıtsııalyq, saýda-ekonomıkalyq, saıası jáne mádenı-gýmanıtarlyq yntymaqtastyqty jandandyrý, aǵymdaǵy jylǵy qańtardaǵy qaıǵyly oqıǵalardan keıingi Qazaqstandaǵy qazirgi ahýal, sondaı-aq odan ári ekijaqty jáne kópjaqty ózara is-qımyldyń basymdyqtaryn talqylaý boldy.
Óz sózinde Mınıstr eýropalyq tarapty el basshylyǵynyń «qaıǵyly qańtar» saldary aıasynda Jańa Qazaqstandy qurýdaǵy negizgi tásilderi týraly habardar etti jáne memlekettiń odan ári demokratııalyq qaıta qurý baǵytyna beıildiligin rastady.
«Eýropalyq odaqpen biz senimge, ózara qurmetke jáne ortaq basymdyqtarǵa negizdelgen berik qatynastar ornattyq. Bul qatynastar jahandyq jáne óńirlik qaýipsizdikti qamtamasyz etýdegi senimdi seriktestikpen, serpindi saýda yntymaqtastyǵymen, sondaı-aq berik saıası baılanystarmen nyǵaıtylýda», - dep atap ótti mınıstr.
Іs-shara aıasynda Qazaqstannyń Ulttyq ekonomıka birinshi vıtse-mınıstri Tımýr Jaqsylyqov eýropalyq dıplomattardy elimizdiń 2021 jylǵy ekonomıkalyq damýynyń negizgi qorytyndylary týraly habardar etip, sondaı-aq eldegi qańtar aıyndaǵy oqıǵalar aıasynda Úkimet aldyna qoıylǵan ózekti mindetterge jeke toqtaldy.
«Prezıdent Qasym-Jomart Toqaev birqatar mańyzdy bastamalardy usyndy, olardy iske asyrý elimizdiń jańa ekonomıkalyq irgetasyn qalyptastyrýǵa múmkindik beredi. Qazirgi ýaqytta Ulttyq ekonomıka mınıstrligi ınklıýzıvti ekonomıkalyq ósýdi yntalandyrýǵa, makroekonomıkalyq turaqtylyqty qamtamasyz etýge jáne kásipkerlikti damytýǵa baǵyttalǵan «QR Úkimetiniń 2022 jylǵa arnalǵan is-qımyl baǵdarlamasyn» kelisý jáne bekitý boıynsha belsendi jumys isteýde», - dep atap ótti óz sózinde vıtse-mınıstr.
EO-nyń Qazaqstandaǵy ókildiginiń basshysy Elshi Kestas ıAnkaýskas atap ótkendeı, «Qazaqstan Eýropalyq odaqtyń Ortalyq Azııadaǵy óte mańyzdy áriptesi jáne eldiń odan ári damýyna, ásirese saıası reformalar men demokratııalandyrýǵa qatysty máselelerdi berik qoldaýǵa nıettimiz». Elshiniń aıtýynsha, «Eýropalyq áriptester jaqynda bolǵan oqıǵalardyń keshendi sıpatyn da túsinedi», osyǵan baılanysty obektıvti tergeý júrgizýdiń mańyzdylyǵyn atap ótti jáne Qazaqstannyń ýákiletti memlekettik organdarynyń tergeýdiń aldyn ala nátıjelerin jarııa etýin kútýde. Osy turǵyda kezdesýde Bas prokýratýra tergeý is-sharalaryn júrgizý kezinde jol berilgen buzýshylyqtar týraly shaǵymdar boıynsha 170 qylmystyq is qozǵaǵany týraly aqparat erekshe atap ótildi.
Frantsııa Elshisi Dıde Kanesstiń aıtýynsha, «Eýropalyq keńestegi frantsýz tóraǵalyǵy (2022 jyldyń birinshi jartysynda) biz úshin Ortalyq Azııadaǵy negizgi áriptes bolyp tabylatyn Qazaqstanmen yntymaqtastyqty nyǵaıtýǵa baǵyttalǵan». Tóraǵalyqtyń óńirlik basymdyqtary arasynda ol Qazaqstandaǵy odan arǵy demokratııalyq ózgerister salasyndaǵy kún tártibin qosa alǵanda, EO men Qazaqstan arasyndaǵy Keńeıtilgen áriptestik pen yntymaqtastyq týraly kelisimniń erejelerin tolyq iske asyrýdy; «kovıdtan keıingi» ekonomıka men ınvestıtsııalyq ahýaldy qalpyna keltirýdi; «jasyl» ekonomıkany qurýdy; Ortalyq Azııada jáne Eýropamen kólik salasyndaǵy turaqty ózara baılanystylyqty qamtamasyz etýdi atady.
Odan ári pikir almasý barysynda eýropalyq dıplomattar elimizdegi áleýmettik-ekonomıkalyq jáne saıası reformalar baǵdarlamasyna qoldaý bildirip, EO-nyń qazaqstan-eýropalyq áriptestikti nyǵaıtý úshin zań ústemdigi men demokratııalandyrý máselelerinde Qazaqstanmen odan ári syndarly dıalog júrgizýge ázir ekenin atap ótti.
Osy turǵyda bılik pen azamattyq qoǵamnyń, onyń ishinde Ulttyq qoǵamdyq senim keńesi jáne QR SІM janyndaǵy Konsýltatıvtik-keńesshi organ «Adamı ólshem jónindegi dıalog alańy» sııaqty alańdardy qoldaný arqyly tıimdi ózara is-qımylynyń mańyzdy róli atap ótildi. Jalpy alǵanda, kezdesý ekijaqty jáne kópjaqty yntymaqtastyqtyń keń aýqymdy máselelerin talqylaýǵa jáne saıası dıalogty odan ári tereńdetýge, saýda-ekonomıkalyq jáne ınvestıtsııalyq ózara is-qımyldy keńeıtý jóninde pikir almasýǵa múmkindik berdi.
