Eýropada uzyndyǵy 6,8 myń shaqyrymdyq velojol salynady
ASTANA. QazAqparat - Venadaǵy EO otyrysynda eýroparlament múshesi Maıkl Kreımer asa iri velosıped jolynyń qurylysy boıynsha josparmen tanystyrdy, dep habarlady avstrııalyq BAQ.
Joldyń uzyndyǵy 6,8 myń shaqyrymdy quraıdy. Onyń baǵdary RF men Norvegııa shekarasyndaǵy Barentsev teńizinen bastalady. Ary qaraı reseı-fınlıandııa shekarasy, Prıbaltıka elderi, Polsha, GFR jáne GDR-diń burynǵy shekarasyn boılaı ótedi. Osydan keıin jol Chehııa, Avstrııa, Slovenııa, Vengrııa, Serbııa, Rýmynııa, Bolgarııa arqyly ótip, Qara teńiz jaǵalaýynda aıaqtalady.
