Eýropada úı haıýanatyn ıesimen birge jerleý týraly zań jobasy qaralyp jatyr
ASTANA.QazAqparat - Belgııa parlamentine úı haıýanatyn onyń ıesimen birge jerleý týraly zań jobasy kelip tústi.
Jobany qaralymǵa bergen Flamand sotsıalıstik partııasy, úı haıýanatyn jaqsy kóretin adamdarǵa onymen máńgi birge bolý múmkindigin usynady. Eń basty shart - mindetti krematsııa. Usynylǵan zań jobasyna sáıkes krematsııadan keıingi kúldi aralastyryp arnaıy kolýmbarııge qoıady.
Belgııada haıýanattar quqyn qorǵaıtyn keıbir uıymdardyń aıtýynsha, úıdegi dosyn qatty jaqsy kóretin adamdar ólgennen keıin de onymen birge bolǵysy keledi. Eýropa elderinde haıýanatty tek arnaıy oryndarǵa jerleýge ǵana ruqsat berilgen. Onyń baǵasy 100 den 600 eýro aralyǵynda, dep habarlaıdy euronews.
