Eýropada taǵy aptap ystyq bolady: Qandaı aımaqtar zardap shegedi

RIM. QazAqparat - Sınoptıkterdiń boljaýynsha, Italııada +42°C, Frantsııada +40°C, Shveıtsarııada +37°C ystyq bolady, dep habarlaıdy QazAqparat Euronews-ke silteme jasap.

Eýropada demalys kúnderi aýa temperatýrasy kúrt kóterilip, aptap ystyq bolady.

Shveıtsarııa men Frantsııanyń meteorologııalyq agenttikteriniń habarlaýynsha, ystyq aýa raıy Ispanııadan keıin ortalyq Eýropaǵa ótip, kelesi aptanyń sońyna deıin basylmaıdy.

Frantsııa, Shveıtsarııa, Germanııanyń ońtústigi jáne Italııanyń soltústiginde osyndaı aýa raıy bolady.

Italııada aptap ystyqtyń úshinshi tolqyny

Italııa osy jazda aptap ystyqtyń úshinshi tolqynymen betpe-bet keledi. Meteorologtar senbi jáne jeksenbi kúnderi óte joǵary temperatýra bolady dep boljap otyr.

Bul eń aldymen Saharadan Aljır men Marokko arqyly jyly aýa massalarynyń qozǵalysyna baılanysty.

«Ystyq aýa massalary jylý kúmbeziniń astynda qalady, onyń qabattary jerge túsedi», - deıdi meteorologtar.

Budan kóbine aýa temperatýrasy +40°S-qa jetetin Italııanyń soltústigindegi jazyqtar men Tırren teńiziniń jaǵalaýy, sondaı-aq aýa temperatýrasy +42°S bolatyn Sardınııa kóbirek zardap shegedi.

Meteorologııalyq qyzmetter Florentsııa, Rım, Bolonıa, Ferrara, Boltsano, Alessandrııa jáne Ternı sııaqty qalalarda aptap ystyqtyq bolatynyn aıtyp, halyqqa eskertý jasady.

Boljamdarǵa sáıkes, aýa raıy 27 tamyzǵa deıin osylaı bolady.

Frantsııa tarıhtaǵy eń qatty ystyqqa daıyndalyp jatyr

Frantsııada demalys kúnderi jazǵy daýyl men joǵary temperatýraǵa baılanysty eskertý jasaldy.

Aldaǵy birneshe kúnde eldiń ońtústigi túgeldeı ystyq aýa kúmbezine aınalady dep boljanady.

Bul Jerorta teńizi jaǵalaýy men Rona ańǵaryna kóbirek áser etedi, munda temperatýra 40°C jetedi.

Frantsııanyń ortalyq jáne soltústiginde de temperatýra kóteriledi. Meteorologtardyń aıtýynsha, Parıjde termometr 35°C-qa deıin jetedi.

Frantsýz meteorologııalyq agenttikteriniń boljaýynsha, qatty aptap ystyq kelesi aptanyń ortasyna nemese sońyna deıin saqtalady. Meteorologtar bul tarıhtaǵy eń qatty ystyq bolýy múmkin ekenin eskertti.

Shveıtsarııa men Germanııada aýa raıyna baılanysty eskertý jarııalandy

Juma kúni bılik búkil elge 3-deńgeıdegi ystyqqa baılanysty (bes baldyq shkala boıynsha) eskertý jasady.

Jenevada temperatýra 36°C-qa deıin kóterilýi múmkin, aptap ystyq tolqyndar ıÝra ańǵarlary men soltústik-batysty da qamtıdy.

Mundaı aýa raıy birneshe kún boıy saqtalady dep boljanyp otyr.

Germanııa astanasynda apta basynda aýa raıynyń qaýipti qyzyl deńgeıi jarııalandy. Demalys kúnderi Berlınde aýa temperatýrasy 32°C-qa deıin kóteriledi dep boljandy.

Frankfýrtte senbiden bastap bes kún boıy temperatýra 30 gradýstan asady, Gambýrgte demalystyń birinshi kúni 30,5°C-qa jetedi.