Eýropada tabıǵı gaz baǵasy arzandady
Dúısenbi, 2 qańtar kúni nıderlandyq gazdyń TTF kelisim-shart boıynsha baǵasy 70,30 megavatt/saǵ-tan bastaldy.
Eýropalyq gaz sońǵy ret 2022 jyldyń aqpanynda Reseıdiń Ýkraınaǵa qarsy soǵysy bastalmaı turyp arzan satylǵan.
Biraz ýaqyttan keıin TTF boıynsha baǵa 73 eýroǵa deıin ósti. Jalpy, jeltoqsan aıynyń basynan baǵa orta eseppen eki esege arzandaǵan.
Rekordtyq baǵa ótken jazda tirkeldi (megavatt/saǵ úshin 345 eýro). Buǵan Reseıden keletin kógildir otynnyń toqtaýy sebep boldy.
Eýropada qazirgi jyly aýa raıy jaǵdaıynda gaz tutyný azaıyp keledi.
Jańa jylǵa qaraı Germanııada aýa temperatýrasy keı jerlerde 20 gradýstan da joǵary kóterildi.
Nemis meteoqyzmeti elde jańa jyl aldyndaǵy eń jyly kún raıyn tirkep, ony únemi baqylap otyrdy.
Eýropa elderinde tabıǵı gaz baǵasynyń tómendeýine sońǵy ýaqytta jel elektrostansalary arqyly kóbirek energııa óndiriletini de áser etti.
Germanııadaǵy gaz qoımalary qazirgi ýaqytta 90 paıyzdan astam (90,12 paıyz) toly. Al gaz qory on birinshi kún qatarynan artyp keledi.
