Eýropada tabıǵı gaz baǵasy 48%-ǵa kóterildi

ASTANA. KAZINFORM – Eýropadaǵy tabıǵı gaz baǵasy sońǵy bir kúnde 48%-ǵa artty, dep habarlaıdy Anadoly.

Sáýir aıyna jetkizýge arnalǵan kelisim-shart boıynsha gaz baǵasy 1 MVt-saǵatqa 47,2 eývroǵa jetti. Al 27 aqpandaǵy baǵa 31,95 eýro bolǵan edi.

Baǵanyń kúrt ósýine AQSh pen Izraıldiń Iranǵa birlesken soqqysy sebep boldy. Sonyń saldarynan Ormýz buǵazy arqyly ótetin tankerler qozǵalysy, jahandyq energetıkalyq jetkizilimder úshin mańyzdy baǵyt, is júzinde toqtady.

Qatardyń Ras-Laffan qalasynda ornalasqan Qatar Energy energetıkalyq nysany Irannan ushyrylǵan dronnyń soqqysynan zaqymdanǵannan keıin kompanııa suıytylǵan tabıǵı gaz óndirisin toqtatty. Bul jahandyq suıytylǵan tabıǵı gaz  jetkizilimderi týraly alańdaýshylyqty kúsheıtip, baǵanyń ósýine áser etti.

Ormýz buǵazy Parsy shyǵanaǵynyń saǵasynda ornalasyp, Taıaý Shyǵystan álemdik naryqqa munaı men suıytylǵan tabıǵı gaz  jetkizýdiń negizgi joly. Álemdik suıytylǵan tabıǵı gaz  eksporttarynyń shamamen 20%-y osy strategııalyq buǵaz arqyly ótedi. Qatardan shyqqan suıytylǵan tabıǵı gazdyń kóp bóligi halyqaralyq satyp alýshylarǵa dál osy buǵaz arqyly jetkiziledi, al onyń basym bóligi Azııa elderine, ásirese Qytaıǵa baǵyttalǵan. Jetkizilimderdegi múmkin qıyndyq baǵany ásirese Eýropada kóterýge májbúr etedi.

Sonymen qatar, Eýropadaǵy gaz saqtaý qoımalarynyń tolymdylyǵy 30%-dan tómendeýi de baǵanyń ósýine sebep boldy. Saqtaý qoımalary az bolǵan saıyn, Eýropa halyqaralyq naryqtardan kóp kólemde suıytylǵan tabıǵı gaz ımporttaýǵa májbúr bolady.

Esterińizge sala keteıik, buǵan deıin AQSh pen Izraıldiń Iranǵa soqqysynan keıin Brent munaıynyń baǵasy 10%-ǵa ósken, shamamen 80 dollar/barrelge jetken bolatyn.